Ný plata hjá The Vaccines á þessu ári

Hljómsveitin The Vaccines með Íslendinginn Árna Hjörvar á bassanum ætlar í hljóðver í Belgíu í mars til að taka upp sína aðra plötu og er hún væntanleg síðar á árinu.

Upptökustjóri verður Ethan Johns sem hefur unnið með Kings of Leon, Ryan Adams og Ray LaMontagne.

„Ástæðan fyrir því að við vildum vinna með Ethan er ekki af því að hann framleiðir vinsæl lög á færibandi heldur leggur hann mikið upp úr vönduðum lagasmíðum," sagði söngvarinn Justin Young við NME.

Hér fyrir ofan má sjá nýjasta myndband The Vaccines við lagið Tiger Blood.