Netverslun á enn eftir að aukast

„Við höfum fundið fyrir miklum uppgangi í netverslun á undanförnum árum og nú er svo komið að um helmingur okkar starfsemi snýst um að hanna og sinna netverslunum," segir Jón Trausti Snorrason, framkvæmdastjóri vefsíðufyrirtækisins Allra Átta.

Fyrirtækið býður upp á fullkomin netverslunarkerfi fyrir allar stærðir og gerðir fyrirtækja. Þar geta stjórnendur vefsins uppfært upplýsingar, sett inn tilboð og breytingar, svo nokkuð sé nefnt, heima eða að heiman. Þeir geta jafnframt fylgst með birgðastöðu, sölu og öðrum helstu upplýsingum.

„Ein sérstaða okkar kerfis er sú að það er tilbúið fyrir utanlandsmarkað auk þess sem við bjóðum upp á ýmsar tengingar til dæmis við Póstinn, aðra flutningsaðila og ýmis bókhaldskerfi," lýsir Jón Trausti.



Leitarvélabestun nauðsynleg

Til að netverslun starfi vel er nauðsynlegt að undirbúningurinn sé sem bestur. Þar spilar góð leitarvélabestun lykilhlutverk.

„Við erum með sérdeild sem sérhæfir sig í leitarvélabestun. Slíkt er lykilatriði fyrir netverslun því það eykur líkurnar á því að verslunin komi upp við leit á Google eða öðrum leitarvélum. Með góðri leitarvélabestun er hægt að spara talsverðan pening í auglýsingar og aðra markaðssetningu," segir Björn Jóhannsson markaðsstjóri og bendir á að þetta eigi sérstaklega við um netverslanir sem vilji hasla sér völl á alþjóðlegum markaði. Hann bendir enn fremur á að það sé oft fyrsta skref fyrirtækja út á alheimsmarkaðinn að stofna netverslun.



Góð ráð fagmanna

Allra Átta var stofnað árið 2004 og verður því átta ára á þessu ári. Þar starfa ellefu starfsmenn með víðtæka menntun og reynslu. Allra Átta er með starfsemi í fimm löndum og hefur frá stofnun unnið með um 800 fyrirtækjum. Sem dæmi um vel heppnaðar netverslanir sem Allra Átta hefur hannað má nefna Cintamani.is, sem selur vörur hérlendis og erlendis, dyrabaer.is, hreysti.is og shape.is.

Starfsmenn Allra Átta aðstoða viðskiptavini sína við stefnumótun og samkeppnisgreiningu. Þá veita þeir einnig góð ráð varðandi þarfir fyrirtækjanna því eins og Jón Trausti bendir á þá eiga ekki öll viðskipti heima í netverslun.

„Stundum er betra að nota vörukerfi og þá bendum við á það. Við viljum selja fólki réttu lausnina," segir hann og bendir á að auðvelt sé að koma á kynningarfundi til dæmis með því að ýta á „grænan" hnapp á heimasíðunni www.8.is. „Það er regla hjá fyrirtækinu að svara öllum fyrirspurnum innan sólarhrings," segir Jón Trausti. „og við vinnum eftir gildunum okkar „traust, sköpun og gleði" og viljum að viðskiptavinir upplifi þau með okkur."



Öryggið á oddinn

Öryggismál eru fólki hugleikin þegar það verslar á netinu. Allra Átta leggur áherslu á öryggismál og er í samstarfi við SKÝRR með allar hýsingar. „Svo er mikilvægt að vefirnir séu dulkóðaðir," segir Björn og bendir á að fyrirtækið sé í samstarfi við Valitor, Korta.is og Borgun sem vinni að því að auka öryggi og ávallt sé verið að prófa nýjar leiðir í þeim efnum.



Komnar til að vera

Jón Trausti telur ljóst að netverslunum eigi eftir að fjölga verulega á næstunni. „Almenningur hefur kveikt á hagræðinu í því að versla á netinu og fyrirtæki sjá að það getur verið hagstæðara að opna verslun á netinu heldur en til dæmis á Laugaveginum," segir Jón Trausti og bendir á að starfsmannakostnaður og húsnæðiskostnaður sé mun minni auk þess sem fólk geti verslað hvenær sem er sólarhringsins.

Þeim sem vilja kynna sér starfsemi Allra Átta nánar eða panta fund er bent á vefsíðuna www.8.is.