Eyjólfur skoraði í langþráðum sigri SönderjyskE

Eyjólfur Héðinsson skoraði sitt fjórða mark á tímabilinu í kvöld er lið hans, SönderjyskE, vann óvæntan útisigur, 1-3, á Horsens.

Eyjólfur skoraði annað mark liðsins á 13. mínútu leiksins og kom sínum mönnum í 0-2.

Sigurinn var langþráður fyrir SönderjyskE sem hafði tapað fimm leikjum í röð þar á undan. Liðið komst með sigrinum upp í áttunda sæti dönsku úrvalsdeildarinnar.

Húsvíkingurinn Hallgrímur Jónasson var einnig í liði SönderjyskE í kvöld og lék allan leikinn. Hann nældi sér í gult spjald í seinni hálfleik.