Gjafakort gleðja alla

Gjafakort Smáralindar hafa notið mikilla vinsælda, bæði hjá fyrirtækjum og einstaklingum, undanfarin ár enda kjörin leið til þess að tryggja að allir fái eitthvað fallegt og nytsamt. "Fólk hefur þá val og frelsi til að kaupa það sem það langar í eða vantar. Í Smáralind eru 80 rekstraraðilar; ýmsar verslanir, veitingastaðir, skemmtigarður og bíó þar sem allir ættu að finna eitthvað við sitt hæfi," segir Guðrún Margrét Örnólfsdóttir.

Gjafakort Smáralindar er rafrænt kort, eins og debetkort, með fyrirframgreiddri upphæð. Starfsmaður fær svo kortið að gjöf og getur notað innistæðuna að eigin vild í verslunum Smáralindar. Hægt er að fylgjast með innistæðu kortsins á heimasíðu Smáralindar, með því að stimpla inn númer þess eða með því að hringja á þjónustuborð Smáralindar. "Við höfum margoft heyrt sögur af því að gjafakortið hafi létt undir með fólki fyrir jólin og jólaundirbúninginn. Margir kaupa sér það sem þá langar í en aðrir kaupa gjafir fyrir ættingja eða jafnvel jólamatinn. Sveigjanleiki gjafakortsins er því mjög mikill."

Hægt er að merkja kortin með vörumerkjum fyrirtækja sem gerir gjöfina frá fyrirtækinu persónulegri. "Þessa þjónustu veitum við að kostnaðarlausu. En gott er að hafa nokkurra daga fyrirvara fyrir sérmerkingar, sérstaklega ef um mikið magn er að ræða."

Gjafakortin koma nú í nýjum búningi þar sem búið er að endurhanna útlit þeirra. "Við vildum gera þau persónulegri og fallegri og létum því endurhanna þau. Kortin koma öll í fallegu umslagi en fyrir 100 krónur er hægt að kaupa fallega gjafaöskju sem er þá meira eins og pakki."

Gjafkort Smáralindar er hægt að nálgast á þjónustuborði Smáralindar á annarri hæð, eða með því að hafa samband í síma 5288000 eða með tölvupósti á thjonusta@smaralind.is.