Helgarmaturinn - grillað naut að hætti Krisjáns Inga, útvarpsmanns

„Hver kannast ekki við það að vera að labba úti, finna skyndilega grilllykt og hugsa með sér: „Hver er að grilla?" Svarið er einfalt, ég er að grilla," segir gleðigjafinn og útvarpsmaðurinn Kristján Ingi Gunnarsson sem deilir uppskrift með Lífinu að þessu sinni.

„Ég mæli klárlega með því að gera vel við sig af og til og þá er RED ROY-naut úr Kjöthöllinni málið. En það verður að meðhöndla vel og mikilvægt er að leyfa því að ná stofuhita áður en því er skellt á Landmann-grillið á fullum hita. Best er að krydda kjötið með guðdómlegu RED ROY-steikarkryddblöndunni sem kjötmeistarinn blandar. En athugið að það er stranglega bannað að fullelda nautið.

Meðlæti:

Sætar og venjulegar kartöflur skornar í smáa teninga, ­dreifið púðursykri yfir, fersku ­engifer og kreistið að lokum eina ferska appelsínu yfir.

Bakið blönduna í 30 til 40 mín. við 200 gráður í ofni eða setjið hana í álpappír á grillið.

Ferskt salat

Gott er að setja ananas, mangó og hnetur út í hið hefðbundna salat svona til tilbreytingar.

Sósan á kantinum heitir Jón, getur ekki klikkað. Hentar vel með lambi og nauti.

200 gr sýrður rjómi

100 gr majones

1 tsk rósmarín

100gr dijon-sinnep

1 msk sojasósa

1 tsk karrí

50 gr púðursykur

2 dl rjómi

og jafnvel hvítvín