Veiðisýning fjölskyldunnar í Veiðiflugum

Veiðimessa Veiðiflugna, veiðisýning fjölskyldunnar, verður haldin í annað sinn um helgina.

Meðal þess sem boðið verður upp á í ár er kastsýning Klaus Frimor á túninu fyrir neðan Langholtsskóla. Klaus mun sýna ýmis afbrigði af köstum, allt frá grunn köstum og til þess hvernig hægt er að kasta fyrir horn, að því er segir í tilkynningu frá Veiðiflugum.

Bubbi Morthens tekur nokkur lög auk þess sem Ási og Gunni Helagsynir kynna myndina Leitin af stórlaxinum. Veiðiflugur eru að Langholtsvegi 111 og opnar húsið klukkan 10.



Dagskráin:

kl. 11.00 Veiðileyfa kynning frá SVFR, Strengjum, og Hreggnasa.

Kynning á reyktum og gröfnum laxi frá Reykhúsinu Reykhólum.

Ási og Gunni Helgasynir kynna og selja Leitina af Stórlaxinum.

kl. 12.00 Pylsur og súkkulaði, svali og gosdrykkir fyrir alla.

kl. 13.00 til 18.00 Steingrímur Einarsson kynnir hjólin frá EINARSSON.

kl. 14.00 Veiðiklóin Bubbi Morthens tekur nokkur lög fyrir gesti Veiðimessunnar.

kl. 15.00 Klaus Frimor verður með kastsýningu á túninu fyrir neðan Langholtsskóla við Holtaveg. Þar sýnir hann allar útfærslur af köstum og nokkur kast trikk sem engin má missa af.

Þá verður kynning á Guideline veiðivörunum og Exceed-stöngum.