Juventus á toppinn með stæl

Juventus náði í kvöld þriggja stiga forskoti á toppi ítölsku úrvalsdeildarinnar. Juve vann þá auðveldan sigur, 4-0, á Roma.

Það tók Juventus ekki nema hálftíma að ganga frá leiknum. Arturo Vidal skoraði tvö mörk á fyrstu átta mínútunum og Andrea Pirlo bætti þriðja markinu við á 29. mínútu.

Til að bæta gráu ofan á svart fyrir Roma þá fékk markvörðurinn Martin Stekelenburg að líta rauða spjaldið á 26. mínútu.

Claudio Marchisio bætti fjórða markinu við snemma í síðari hálfleik og Juve læt þar við sitja.