Matthías skoraði fyrir Start í jafnteflisleik

Matthías Vilhjálmsson var enn og aftur á skotskónum fyrir Start í dag er það gerði jafntefli, 1-1, á útivelli gegn Sandefjord í norsku B-deildinni.

Matthías kom Start yfir í leiknum á 24. mínútu en Alexander Gabrielsen jafnaði leikinn 15 mínútum síðar og þar við sat.

Mátthías lék allan leikinn fyrir Start í fremstu víglínu. Guðmundur Kristjánsson spilaði einnig allan leikinn fyrir Start sem miðvörður. Hann fékk að líta gula spjaldið korteri fyrir leikslok.

Start er í þriðja sæti deildarinnar með fimm stig eftir þrjá leiki.