Hellas Verona tapaði án Emils

Hellas Verona tapaði mikilvægum stigum þegar að liðið mátti þola tap gegn Brescia, 2-1, í ítölsku B-deildinni í dag.

Emil fór meiddur af velli snemma leiks gegn Cittadella um síðustu helgi og var ekki í leikmannahópnum í dag. Emil hefur verið lykilmaður í liði Hellas Verona á leiktíðinni og verið orðaður við sterk lið, bæði á Englandi og Ítalíu.

Hellas Verona er í þriðja sæti ítölsku B-deildarinnar með 63 stig. Torino er á toppnum með 69 stig en Sassuolo í öðru sæti með 64 stig. Brescia er í sjöunda sætinu með 53 stig.