Nýr 10 ára samningur um leigu á Minnivallalæk

Um helgina var gerður nýr 10 ára samningur um áframhaldandi leigu Strengja á Minnivallalæk í Landssveit sem þegar hafa haft hann í leigu í 20 ár svo þarna stefnir í 30 ára samningstíma! Samstarfið við Veiðifélag Minnivallalækjar hefur verið gott og fjöldi erlendra veiðimanna farinn að venja komur sínar í ánna.

Verð veiðileyfa með gistingu er að mestu óbreytt eins og verið hefur undanfarin ár, en þó er hækkun í júní-júlí sem er vinsælasti tíminn í læknum. Glæsilegt hús er við ánna þar sem veiðimenn njóta allra þæginda.

Einhverjir dagar eru lausir og ættu menn að kíkja á vef Strengja til að skoða möguleikann til að veiða í þessari skemmtilegu á. www.strengir.is