Zlatan skoraði og AC Milan náði sjö stiga forskoti

Svíinn Zlatan Ibrahimovic skoraði fyrra mark AC Milan sem er komið með sjö stiga forskoti á toppi ítölsku úrvalsdeildarinnar eftir 2-0 útisigur á Parma í dag.

AC Milan hefur 60 stig en Juventus sem mætir Fiorentina á útivelli seinna í kvöld er með 53 stig. Lazio er síðan í þriðja sætinu með 48 stig.

Zlatan skoraði markið sitt úr vítaspyrnu á 17. mínútu og var nálægt því að skora annað beint úr aukaspyrnu skömmu síðar.

Urby Emanuelson innsiglaði síðan sigurinn á 55. mínútu eftir að Zlatan plataði vörn Parma með því að láta boltann fara framhjá sér.

Gennaro Gattuso kom inn á sem varamaður í lokin og lék sinn fyrsta leik með AC Milan síðan í september.