Fótbolti

Roma tryggir sér þjónustu De Rossi til fimm ára

Kolbeinn Tumi Daðason skrifar
De Rossi í baráttu við Diego Milito í 4-0 sigrinum á Inter um helgina.
De Rossi í baráttu við Diego Milito í 4-0 sigrinum á Inter um helgina. Nordic Photos / Getty Images
Miðjumaðurinn Daniel De Rossi hefur samþykkt nýjan fimm ára samning við AS Roma á Ítalíu. Samingur Ítalans átti að renna út í vor.

De Rossi hefur á undanförnum mánuðum verið orðaður við fjölmörg stórlið í Evrópu þar á meðal Englandsmeistara Manchester United. Nýr samingur ítalska landsliðsmannsins nær til ársins 2017.

Boðað hefur verið til blaðamannafundar í höfuðstöðvum félagsins í Róm í dag þar sem tilkynnt verður um samninginn. De Rossi er 28 ára og lykilmaður í liði Roma og ítalska landsliðinu.

Roma vann 4-0 sigur á Inter um helgina og situr í 6. sæti Serie A.

Ítalski boltinn

Mest lesið


Fleiri fréttir

Sjá meira


×

Mest lesið