Má skjóta bleikju með haglabyssu?

Það er ekki stefna okkar hér á Veiðivísi að setja okkur í stöðu gagnrýnanda en við ætlum þó að gera undantekningu á því núna. Á Pressunni þann 22. janúar er mynd af manni með bleikju sem á að hafa verið skotin. Enda sést ekki betur en að "veiðimaðurinn" haldi á illa farinni bleikju og skotvopni.

Nú þegar skotveiðimenn eiga í vök að verjast þá er þetta ekki beint framkoma sem er sportinu til framdráttar. Óábyrg meðferð skotvopna á ekki að vera liðinn og það er Pressunni ekki til framdráttar að gera úr þessu frétt. Við vonum að viðkomandi veiðimaður hafi séð að sér og sýni ábyrgari hegðun með sínum vopnum. Hér fyrir neðan er linkur þar sem sjá má þessa mynd:

https://www.pressan.is/Ithrottir_og_heilsa/Lesa_IogH/fyrsta-myndin-af-skotnum-fiski