Inter vann borgarslaginn

Inter sigraði nágrana sína í Milan 1-0 á útivelli í kvöld og heldur því áfram að nálgast topplið deildarinnar en Milan missti af tækifærinu á að ná tveggja stiga forystu á Juventus á toppi ítölsku deildarinnar.

Diego Milito skoraði eina mark leiksins á 54. mínútu. Bæði lið fengu fjölda færa í leiknum sem var hinn fjörugasti en engu að síður voru ekki skoruð fleiri mörk í leiknum.

Milan er með 37 stig í öðru sæti deildarinnar, stigi á eftir Juventus og tveimur stigum á undan Udinese. Inter er í fimmta sæti með 32 stig, stigi og sæti á eftir Lazio.