Nóra gefur út nýtt lag

Hljómsveitin Nóra hefur sent frá sér nýtt lag sem heitir Bringsmalaskotta og er forsmekkurinn af því sem koma skal.

Sveitin hefur nú hafið upptökur á annarri plötu sinni sem áætlað er að komi út snemma á næsta ári. Nóra gaf út sína fyrstu plötu, Er einhver að hlusta?, í júní á síðasta ári. Nýr trommuleikari hefur gengið til liðs við hljómsveitina, eða Óskar Kjartansson sem hefur trommað með balkanrokksveitinni Orphic Oxtra.

Hægt er að hlusta á nýja lagið á slóðinni Listen.noramusic.is og á Gogoyoko.com.