Cassano í lélegu formi

Antonio Cassano er byrjaður að spila með AC Milan og lagði upp eina mark leiksins gegn Cagliari. Cassano lék aðeins í 15 mínútur enda er hann ekki búinn að vera duglegur að halda sér í formi.

"Hann er klárlega ekki í sínu besta formi en það er eðlilegt enda langt síðan hann spilaði. Þess utan hefur hann ekkert fengið að æfa í tvo mánuði," sagði Massimiliano Allegri, þjálfari Milan.

Cassano var rekinn frá Sampdoria og fékk ekki einu sinni að æfa með liðinu á meðan gengið var frá hans málum.

"Hann er bara búinn að æfa í eina viku með okkur en formið mun koma fljótt hjá honum."