Fáskrúð var fín á liðnu sumri

Veiðitölur eru loks komnar í hús úr Fáskrúð í Dölum frá því í sumar. Veiðin í ánni var með ágætum í sumar þó langur vegur sé frá metveiði fyrra árs. Sumarveiðin hljóðar upp á 247 laxar en veitt er ýmisst á tvær til þrjár dagsstangir. Í fyrra var veiðin hins vegar 523 laxar sem er einhver mesta veiði sem um getur úr Fáskrúð.

Veiðin byrjaði með ágætum og fékks fyrsti lax sumarsins úr Stapakvörn þann 2. júlí.

Veiðitölur skiptast þannig eftir mánuðum:

Júlí 76 laxar

Ágúst 93 laxar

September 78 laxar

Ljóst er að Fáskrúð hentar vel til maðkveiða, því af þeim 76 löxum sem veiddust í júlí veiddust aðeins þrír laxar á flugu. Hinir 73 laxarnir voru teknir á maðk. Hlutfallið lagast þó eftir því sem á sumarið líður því þegar að hlutfall af endanlegum veiðitölum er skoðað fékkst 61 lax á flugu en 186 á maðk.

Birt með góðfúslegu leyfi SVFR