Gæsaveiðin verið ágæt á þessu tímabili

Af þeim fregnum sem við heyrum þá er þessi gæsavertíð búin að vera ágæt í flestum landshlutum, en veiðimenn hafa samt haft það á orði að minna sé um ungfugl en í fyrra og þá sérstaklega á norðausturlandi.

Mikið var af heiðagæs og virðist stofninn ennþá vera að stækka.  Samkvæmt talningum í Skotlandi reikna fuglafræðingar þar með að stofninn sem komi þangað frá íslandi á hverju hausti sé að stækka um 15.000 fugla árlega, það væri fróðlegt að fá staðfestingu á þessu frá innlendum fuglafræðingum því þetta er gífurlega mikil fjölgun á stofni sem mikið er veitt úr.

Ágætlega hefur gengið á Helsingaveiðum fyrir austann og mikið af honum á mörgum túnum.  Ennþá er verið að skjóta grágæs og má fastlega gera ráð fyrir því að veiðar á henni geti haldið áfram langt inní nóvember ef því er að skipta, því á meðan fuglinn er í æti er hún ekkert að drífa sig frá landinu.