Guðjón Pétur og félagar í bikarúrslitin

Guðjón Pétur Lýðsson og félagar hans í Helsinborg geta bætt öðrum titli í safnið um næstu helgi en liðið tryggði sér í dag sæti í úrslitum sænsku bikarkeppninnar.

Helsingborg tryggði sér í haust Svíþjóðarmeistaratitilinn en liðið vann sænsku úrvalsdeildina með nokkrum yfirburðum.

Guðjón Pétur er í láni hjá félaginu frá Val en hann inn á sem varamaður á 77. mínútu er Helsingborg vann 3-1 sigur á Örebro í undanúrslitunum.

Eiður Aron Sigurbjörnsson lék allan leikinn í stöðu hægri bakvarðar hjá Örebro en sigur Helsingborg, sem komst í 3-0 í dag, var nokkuð öruggur.

Mörkin úr leiknum má sjá hér.