Ennþá verið að kroppa laxa úr Ytri Rangá

Nú er engum blöðum um það að fletta að haustið er komið með tilheyrandi litadýrð og rúðuskafi. Menn eru þó enn að egna fyrir laxinum í Ytri Rangá og geta aflabrögð verið góð þrátt fyrir misgóð skilyrði.

Í gær komu 9 laxar á land í Ytri Rangá, þrátt fyrir töluverðan kulda og dreifðust þeir nokkuð yfir ánna. Gaddstaðabreiðan hefur verið að gefa ágætlega sem og Tjarnarbreiða og Gutlfossbreiða, einnig veiddust einhverjir laxar niður við Straumey – ekki fylgdi sögunni hvort þeir voru nýgengnir eða legnir.

Birt með góðfúslegu leyfi Lax-Á