Veigar Páll og Pálmi Rafn skoruðu báðir í sigurleikjum

Veigar Páll Gunnarsson og Pálmi Rafn Pálmason voru báðir á skotskónum í norsku úrvalsdeildinni í dag. Veigar skoraði í 4-1 útisigri Vålerenga á Brann og Pálmi Rafn skoraði í 2-0 heimasigri Stabæk á Sarpsborg 08.

Veigar Páll skoraði fyrsta mark Vålerenga á 21. mínútu eftir að hafa sloppið einn í gegn. Veigar Páll lagði einnig upp þriðja mark liðsins á 82. mínútu og var skipt útaf þremur mínútum síðar.

Pálmi Rafn kom Stabæk í 2-0 á 48. mínútu eftir flotta sókn og sendingu Fredrik Brustad.

Vålerenga er í 4. sæti eftir þennan sigur an Stabæk er í 9. sætinu. Molde er með sjö stiga forskot á Tromsö á topppnum en liðin mætast einmitt seinna í kvöld.