Zlatan og Inzaghi snúa aftur

Læknaliði AC Milan gengur vel að koma Zlatan Ibrahimovic aftur á lappir og svo gæti farið að hann spili um helgina. Það er nokkuð fyrr en búist var við er hann meiddist.

Þjálfari Milan, Massimiliano Allegri, gæti sett Zlatan í liðið um helgina en hann er þó aðallega að horfa til þess að nýta Zlatan á fullu gasi í Meistaradeildinni í næstu viku. Þá spilar Milan gegn Viktoria Plzen.

Þá bárust stuðningsmönnum Milan einnig þau góðu tíðindi að Filippo Inzaghi gæti spilað um helgina en hann hefur verið frá í tíu mánuði vegna hnémeiðsla.