144 laxar komnir úr Svalbarðsá

Á hádegi í gær 24. Júlí höfðu veiðst 144 laxar í Svalbarðsá, sem er mjög svipað og í fyrra. Fiskurinn dreifir sér vel um alla á og eru að veiðast mjög vel haldnir lúsugir fiskar jafnvel á efstu svæðum.

Mikið af  smálax, 6 til 7 punda að gera aðeins vart við sig. Í gær veiddist 100 cm fiskur sem er álitinn 21 pund , en margir yfir 90 cm hafa veiðst sem eru þá 17 til 19 punda  að sögn Soffíu staðarhaldara. Myndin er af Þórði Inga Júlíussyni sem veiddi þennan glæsilega 16,5 punda hæng nýlega í Hornhyl  á black and blue stærð 14.

Birt með góðfúslegu leyfi Hreggnasa