Sigur Rós breytir um stíl á nýrri plötu

Georg Hólm, bassaleikari Sigur Rósar, mætti í útvarpsþáttinn Vasadiskó á X-inu síðasta sunnudag. Þar mætti hann með iPhone-inn sinn, tengdi í beina útsendingu og setti á Shuffle.

í spjallinu sem fylgdi kom margt upp á yfirborðið. Sigur Rós hefur hvergi spilað á tónleikum síðan þeir komu fram í Laugardalshöll í nóvember árið 2008. Það hljóta því að teljast gleðitíðindi að frá því um áramótin hefur sveitin verið að æfa á fullu. Drengirnir hafa aðallega verið að einbeita sér að lagasmíðum og eru víst komnir með glás af nýju efni.

Georg greindi frá því að allir innanborðs litu á næstu plötu sem nýtt upphaf sveitarinnar. Þar af leiðandi væru þeir að brjóta af sér þá ramma sem sveitin hefur smíðað utan um sig síðustu árin. Hann sagði miklar breytingar á tónlistinni. Það kæmi mikið til vegna breyttra vinnuaðferða en Sigur Rós hefur víst aukið notkun tölva við lagasmíðarnar. Ný plata er því væntanleg en þar sem upptökur eru ekki hafnar er líklegast töluvert í útgáfuna.

Úr iPhone-i Georgs komu svo þessi lög:

My bloody valentine - Sometimes

The Hit Crew - You Send Me

Dani Siciliano - Collaboration

Hank Williams - Mind your own business

Spiritualized - No god only religion

Spiritualized - Cool waves

Grizzly bear - Fine for now

Edward Sharpe and the magnetic fields - 40 day dream

Spiritualized - broken heart

Vampire weekend - Cousins

Þið getið nálgast lögin hér:

Þið getið hlustað á þáttinn hér: