Viðureign AIK og Syrianska í sænsku úrvalsdeildinni í knattspyrnu var í dag blásinn af eftir um 20 mínútna leik vegna þess að púðurkerlingu var kastað í höfuð eins dómara leiksins.
Helgi Valur Daníelsson var í byrjunarliði AIK í leiknum og staðan var 1-0 þegar atvikið átti sér stað. Tetah Bangura, leikmaður AIK, fékk rautt fyrir að traðka á markverði Syrianska og brást hluti áhorfenda á vellinum illa við. Þeir köstuðu púðurkerlingum inn á völlinn og fékk Daniel Wärnmark, annar aðstoðaradómaranna í leiknum, eina slíka í hausinn.
„Hann er með suð fyrir eyranu og heyrir ekki það sem er sagt við hann,“ sagði Lars Wilhelmsson, eftirlitsmaður leiksins við sænska fjölmiðla.
Eftir um 40 mínútur var ákveðið að blása leikinn af, þar sem að stuðningsmenn héldu áfram að láta öllum illum látum og ákveðið var að koma dómaranum undir læknishendur.
Leikur blásinn af í Svíþjóð vegna óláta stuðningsmanna
Eiríkur Stefán Ásgeirsson skrifar

Mest lesið





„Held áfram nema ég verði rekinn“
Körfubolti

Mateta líður vel þrátt fyrir tæklingu í andlitið
Enski boltinn

Borche: Dómararnir sjá það sem þeir sjá
Körfubolti


Kári: Bara negla þessu niður
Körfubolti
