Lilleström gerði jafntefli við meistarana - aftur tap hjá Gautaborg

Íslendingaliðið Lilleström gerði jafntefli, 4-4, í mögnuðum leik gegn Noregsmeisturum Rosenborg í kvöld. Lilleström náði 3-1 forskoti en tapaði því niður í 3-4. Liðið kom þó til baka og náði stigi að lokum.

Stefán Logi Magnússon, Stefán Gíslason og Björn Bergmann Sigurðarson léku allir með Lilleström í kvöld.

Í sænska boltanum tapaði Íslendingaliðið IFK Göteborg fyrir Hacken, 3-0. Ragnar Sigurðsson, Theodór Elmar Bjarnason, Hjötur Logi Valgarðsson og Hjálmar Jónsson voru allir í liði Gautarborgar. Ragnar var tekinn af velli 12 mínútum fyrir leikslok.

IFK Göteborg hefur tapað báðum leikjum sínum í deildinni og byrjar því afar illa.