Lilleström slátraði Stabæk

Lilleström fór afar illa með Stabæk er liðin mættust í norsku úrvalsdeildinni í dag. Alls komu sex Íslendingar við sögu í leiknum.

Lilleström vann leikinn 7-0 sem þess utan var á heimavelli Stabæk.

Anthony Ujah skoraði fjögur mörk fyrir Lilleström í leiknum og Björn Bergmann Sigurðarson lagði upp eitt markanna fyrir hann.

Björn var í liði Lilleström og Stefán Gíslason kom af bekknum á 68. mínútu. Stefán Logi Magnússon stóð svo á milli stanganna hjá liðinu.

Veigar Páll Gunnarsson og Bjarni Ólafur Eiríksson voru í liði Stabæk sem og Gilles Ondo, fyrrum leikmaður Grindavíkur. Pálmi Rafn Pálmason kom svo af bekknum á 73. mínútu.