Sanngjarnar lausnir eru til Ólafur Þ. Stephensen skrifar 25. mars 2011 09:20 Afleiðingar gríðarlega hás eldsneytisverðs á efnahag fjölskyldna og fyrirtækja blasa við öllum. Eldsneytisreikningur heimilanna hækkar og þau eiga minna aukreitis til að verja í aðra vöru eða þjónustu. Flutningskostnaður fyrirtækjanna hækkar og líklegt er að það hafi vond áhrif á verðlagið. Í Fréttablaðinu á mánudag kom fram að fyrirtæki í ferðaþjónustu hafa miklar áhyggjur af eldsneytisverðinu og áhrifum þess á sumarvertíðina, þar sem gera má ráð fyrir að mjög dragi úr ferðalögum innanlands. "Fyrir Íslendinga er þetta mjög stórt vandamál. Það kostar augljóslega meira að keyra nú í sumar en í fyrrasumar. Þess vegna er svo mikilvægt að draga úr skattheimtu til þess að létta undir með almenningi og atvinnulífinu,"sagði Erna Hauksdóttir, formaður Samtaka ferðaþjónustunnar, í Fréttablaðinu. Erna bendir á að þótt eldsneytisgjöld séu ákveðin krónutala á lítra fari virðisaukaskatturinn hækkandi með hækkandi innkaupsverði olíufélaganna og þannig fari skattheimta ríkisins vaxandi með hækkandi heimsmarkaðsverði. Það bætist við miklar hækkanir á eldsneytissköttum sem ríkisstjórnin hefur lagt á undanfarin misseri. Framkvæmdastjóri SAF kallar eftir því að í þágu heimila og fyrirtækja verði skattlagningunni breytt, þannig að ríkið fái í sinn hlut þá upphæð sem upphaflega var gert ráð fyrir í fjárlögum. Í fyrradag kom fjármálaráðherra Bretlands, George Osborne, mörgum á óvart með því að lækka eldsneytisskatt þegar í stað um eitt pens, eða rúmlega 1,8 krónur á lítra, og aflýsa fyrirhugaðri hækkun um fimm pens sem taka átti gildi í næsta mánuði. Þannig er komið talsvert til móts við brezka bíleigendur. Enn fremur hefur brezka stjórnin ákveðið að breyta fyrirkomulagi skattlagningar á eldsneyti og búa til sveiflujöfnun tengda breytingum á heimsmarkaðsverði á eldsneyti. Haldist verðið hátt hækkar eldsneytisgjaldið eingöngu í samræmi við verðbólgu en lækki verðið hækkar gjaldið um eitt pens aukalega. Í Bretlandi er þessi breyting sett fram undir merkjum sanngirni. Félag íslenzkra bifreiðaeigenda hefur meðal annarra talað fyrir einhverju svipuðu kerfi hér á landi, þar sem skattlagning eldsneytis yrði tengd við heimsmarkaðsverðið þannig að tekjur ríkisins af sköttunum rykju ekki upp úr öllu valdi þótt heimsmarkaðsverðið tæki á rás. Nú er að störfum nefnd fjögurra ráðuneyta, sem á að skoða hvort leiðir séu til að breyta skattlagningu á eldsneyti til að mæta hækkandi heimsmarkaðsverði. Fordæmið frá Bretlandi sýnir að það er hægt að finna lausnir sem gagnast skattgreiðendum ef viljinn er fyrir hendi. Viltu birta grein á Vísi? Sendu okkur póst. Senda grein Ólafur Stephensen Mest lesið Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Flokkur fólksins eða flokkun fólksins? Halldóra Lillý Jóhannsdóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Lægjum öldurnar Halla Hrund Logadóttir Skoðun Horfumst í augu Kristín Thoroddsen Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Er aldur bara tala? Teitur Guðmundsson Skoðun
Afleiðingar gríðarlega hás eldsneytisverðs á efnahag fjölskyldna og fyrirtækja blasa við öllum. Eldsneytisreikningur heimilanna hækkar og þau eiga minna aukreitis til að verja í aðra vöru eða þjónustu. Flutningskostnaður fyrirtækjanna hækkar og líklegt er að það hafi vond áhrif á verðlagið. Í Fréttablaðinu á mánudag kom fram að fyrirtæki í ferðaþjónustu hafa miklar áhyggjur af eldsneytisverðinu og áhrifum þess á sumarvertíðina, þar sem gera má ráð fyrir að mjög dragi úr ferðalögum innanlands. "Fyrir Íslendinga er þetta mjög stórt vandamál. Það kostar augljóslega meira að keyra nú í sumar en í fyrrasumar. Þess vegna er svo mikilvægt að draga úr skattheimtu til þess að létta undir með almenningi og atvinnulífinu,"sagði Erna Hauksdóttir, formaður Samtaka ferðaþjónustunnar, í Fréttablaðinu. Erna bendir á að þótt eldsneytisgjöld séu ákveðin krónutala á lítra fari virðisaukaskatturinn hækkandi með hækkandi innkaupsverði olíufélaganna og þannig fari skattheimta ríkisins vaxandi með hækkandi heimsmarkaðsverði. Það bætist við miklar hækkanir á eldsneytissköttum sem ríkisstjórnin hefur lagt á undanfarin misseri. Framkvæmdastjóri SAF kallar eftir því að í þágu heimila og fyrirtækja verði skattlagningunni breytt, þannig að ríkið fái í sinn hlut þá upphæð sem upphaflega var gert ráð fyrir í fjárlögum. Í fyrradag kom fjármálaráðherra Bretlands, George Osborne, mörgum á óvart með því að lækka eldsneytisskatt þegar í stað um eitt pens, eða rúmlega 1,8 krónur á lítra, og aflýsa fyrirhugaðri hækkun um fimm pens sem taka átti gildi í næsta mánuði. Þannig er komið talsvert til móts við brezka bíleigendur. Enn fremur hefur brezka stjórnin ákveðið að breyta fyrirkomulagi skattlagningar á eldsneyti og búa til sveiflujöfnun tengda breytingum á heimsmarkaðsverði á eldsneyti. Haldist verðið hátt hækkar eldsneytisgjaldið eingöngu í samræmi við verðbólgu en lækki verðið hækkar gjaldið um eitt pens aukalega. Í Bretlandi er þessi breyting sett fram undir merkjum sanngirni. Félag íslenzkra bifreiðaeigenda hefur meðal annarra talað fyrir einhverju svipuðu kerfi hér á landi, þar sem skattlagning eldsneytis yrði tengd við heimsmarkaðsverðið þannig að tekjur ríkisins af sköttunum rykju ekki upp úr öllu valdi þótt heimsmarkaðsverðið tæki á rás. Nú er að störfum nefnd fjögurra ráðuneyta, sem á að skoða hvort leiðir séu til að breyta skattlagningu á eldsneyti til að mæta hækkandi heimsmarkaðsverði. Fordæmið frá Bretlandi sýnir að það er hægt að finna lausnir sem gagnast skattgreiðendum ef viljinn er fyrir hendi.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun