Sunnudagsmessan: Framherjar Tottenham eru hálf getulausir

„Tottenham getur ekki skorað á heimavelli en liði hefur aðeins gert 19 mörk í 14 leikjum. Það er ástæðan fyrir því að þeir geta ekki keppt um titilinn," sagði Hjörvar Hafliðason í Sunnudagsmessunni í Stöð 2 sport 2 og telur hann að framherjar liðsins séu hálf getulausir.

Tottenham er í fimmta sæti deildarinnar með 49 stig og er enn með í baráttunni um eitt af fjórum efstu sætunum sem gefur keppnisrétt í Meistaradeild Evrópu á næsta tímabili.

„Þeir eiga engan afgerandi markaskorara, Man Utd hefur t.d. gert 40 mörk á heimavelli," bætti Hjörvar við.