Ættjarðarást bankastjóranna Atli Fannar Bjarkason skrifar 12. mars 2011 05:45 Laun íslensku bankastjóranna eru byrjuð að mjakast í þá átt sem þau voru þegar smjör lak hér af hverju strái. Við hljótum því að eiga von á hagstæðari lánakjörum og betri vöxtum. Er það ekki annars? Ég bíð allavega spenntur og er byrjaður að leita að íbúð til að yfirbjóða. En taktleysi bankastjóranna ásamt fullkomnum skorti á auðmýkt og prinsippum hefur sína kosti. Íslenska ríkið á ekki nema 13 prósenta hlut í Arion banka á móti erlendum kröfuhöfum og aðeins fimm prósent í Íslandsbanka. Útlendingar sjá því að mestu um að dæla peningum í ríkissjóð í gegnum völundarhús skattkerfisins. Það hlýtur að vera jákvætt. Mmmm … Peningar. Það má því velta fyrir sér hvort tær ættjarðarást hafi rekið fulltrúa ríkisins í að rétta upp hendur þegar bankaráðin tóku launahækkanirnar fyrir. Ást á ættjörðinni og fólkinu sem byggir hana hefur eflaust líka orðið til þess að bankastjórarnir fóru fram á milljónir í mánaðarlaun. Launamál íslensku bankastjóranna minna mig á vandræði bandaríska þingmannsins Newts Gingrich, sem þurfti að svara fyrir flókin ástamál sín á dögunum. Hann hafði haldið framhjá krabbameinssjúkri eiginkonu sinni til 19 ára, yfirgefið hana og hafið nýtt líf með viðhaldinu. Átján árum síðar greindist hún með MS og hann beið ekki boðanna, heldur hélt einnig framhjá henni áður en hann yfirgaf hana og kvæntist í þriðja sinn. Spurður út í tilhneiginguna til að yfirgefa veikar eiginkonur sínar bar hann fyrir sig óstjórnlega ást – ekki á kvenfólki heldur landi sínu. „Það leikur enginn vafi á því að á tímabili lagði ég of hart að mér, knúinn áfram af ættjarðarást, og ýmislegt óviðeigandi gerðist," sagði hann af auðmýkt í viðtali um málið. Það getur reynst yfirþyrmandi að búa yfir svona mikilli ást. Það vita Newt Gingrich, Höskuldur H. Ólafsson og Birna Einarsdóttir. Guð blessi þau. Viltu birta grein á Vísi? Sendu okkur póst. Senda grein Atli Fannar Bjarkason Mest lesið Kyn og vægi líkamans Gunnar Snorri Árnason Skoðun Bakslag í skoðanafrelsi? Kári Allansson Skoðun Skólinn er ekki verksmiðja Kristinn Jón Ólafsson,Halldóra Mogensen Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun 60.000 auðir fermetrar Dagur B. Eggertsson Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir Skoðun 76 dagar sem koma aldrei aftur Einar Guðnason Skoðun Umfjöllun Kastljóss Þorgrímur Sigmundsson Skoðun Kristinn átrúnaður á tímum þjóðarmorðs Bjarni Karlsson Skoðun
Laun íslensku bankastjóranna eru byrjuð að mjakast í þá átt sem þau voru þegar smjör lak hér af hverju strái. Við hljótum því að eiga von á hagstæðari lánakjörum og betri vöxtum. Er það ekki annars? Ég bíð allavega spenntur og er byrjaður að leita að íbúð til að yfirbjóða. En taktleysi bankastjóranna ásamt fullkomnum skorti á auðmýkt og prinsippum hefur sína kosti. Íslenska ríkið á ekki nema 13 prósenta hlut í Arion banka á móti erlendum kröfuhöfum og aðeins fimm prósent í Íslandsbanka. Útlendingar sjá því að mestu um að dæla peningum í ríkissjóð í gegnum völundarhús skattkerfisins. Það hlýtur að vera jákvætt. Mmmm … Peningar. Það má því velta fyrir sér hvort tær ættjarðarást hafi rekið fulltrúa ríkisins í að rétta upp hendur þegar bankaráðin tóku launahækkanirnar fyrir. Ást á ættjörðinni og fólkinu sem byggir hana hefur eflaust líka orðið til þess að bankastjórarnir fóru fram á milljónir í mánaðarlaun. Launamál íslensku bankastjóranna minna mig á vandræði bandaríska þingmannsins Newts Gingrich, sem þurfti að svara fyrir flókin ástamál sín á dögunum. Hann hafði haldið framhjá krabbameinssjúkri eiginkonu sinni til 19 ára, yfirgefið hana og hafið nýtt líf með viðhaldinu. Átján árum síðar greindist hún með MS og hann beið ekki boðanna, heldur hélt einnig framhjá henni áður en hann yfirgaf hana og kvæntist í þriðja sinn. Spurður út í tilhneiginguna til að yfirgefa veikar eiginkonur sínar bar hann fyrir sig óstjórnlega ást – ekki á kvenfólki heldur landi sínu. „Það leikur enginn vafi á því að á tímabili lagði ég of hart að mér, knúinn áfram af ættjarðarást, og ýmislegt óviðeigandi gerðist," sagði hann af auðmýkt í viðtali um málið. Það getur reynst yfirþyrmandi að búa yfir svona mikilli ást. Það vita Newt Gingrich, Höskuldur H. Ólafsson og Birna Einarsdóttir. Guð blessi þau.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun