Harður eftirskjálfti reið yfir austurhluta Japans eftir hádegi í dag. Skjálftinn mældist sex stig og er einn sá stærsti sem riðið hefur yfir frá því stóri skjálftinn kom á föstudaginn var. Sá skjálfti mældist níu stig.
Eftirskjálftinn fannst greinilega í höfuðaborginni Tókíó þar sem byggingar sveifluðust til. Engar fregnir hafa þó borist af skemmdum eða manntjóni í skjálftanum.

