Balotelli fékk óblíðar viðtökur á San Siro

Stuðningsmenn Inter Milan voru ekki kátir með að sjá fyrrum leikmann þeirra og núverandi leikmann Manchester Ciry, Mario Balotelli, á San Siro í dag.

Balotelli kíkti á fyrrum félaga sína í Inter Milan gegn Genoa í dag en um leið og áhorfendur áttuðu sig á því hver væri mættur í VIP-stúkuna á San Siro, fór að bera á ókvæðisorðum í átt að Balotelli.

Hann var meðal annars kallaður tíkarsonur og báðu stuðingsmenn Inter hann að yfirgefa völlinn. Balotelli lét þetta ekki mikið á sig fá og heilsaði fyrrum samherjum sínum eftir leik. Inter vann leikinn 5-2 en eins og svo oft áður var það Balotelli sem stal senunni.