Barcelona og Juventus vilja fá Pirlo

Svo gæti farið að AC Milan missi miðjumanninn Andrea Pirlo í sumar. Þá rennur samningur hans við félagið út og hann er ekki búinn að skrifa undir nýjan samning.

Bæði Barcelona og Juventus eru sögð hafa áhuga á kappanum sem orðinn er 31 árs gamall.

Pep Guardiola, þjálfari Barcelona, vill endilega bæta Pirlo í vopnabúr sitt svo hann geti skipt miðjumönnunum oftar út en mikið álag er venjulega á þeim Xavi og Iniesta.

Pirlo er eflaust að skoða samninga í rólegheitum þessa dagana enda meiddur og hefur lítið að gera.