Þjálfari Napoli orðaður við AC Milan

Walter Mazzarri, þjálfari Napoli, er sá nýjasti sem orðaður er við þjálfarastöðuna hjá AC Milan. Talið er að Leonardo hverfi á braut í sumar.

Napoli situr í sjötta sæti ítölsku deildarinnar, tólf stigum á eftir AC Milan sem er í þriðja sæti. Mauro Tassotti, fyrrum leikmaður AC Milan og núverandi aðstoðarþjálfari liðsins, hefur einnig verið orðaður við aðalþjálfarastarfið sem og Filippo Galli, yfirþjálfari yngri flokka AC Milan.

Annars er það að frétta úr herbúðum Mílanóliðsins að Flippo Inzaghi er sagður vera kominn með nóg af Leonardo og hyggist ekki endurnýja samning sinn ef hann verður áfram við stjórnvölinn.