Adebayor í ítalska boltann?

Sóknarmaðurinn Emmanuel Adebayor gæti verið á leið í ítalska boltann en Juventus og AC Milan vilja fá hann í sínar raðir. Hann var sterklega orðaður við liðin fyrir ári síðan en ákvað að semja við Manchester City.

Hann hefur ekki náð að gera glimrandi hluti hjá City og gæti verið á útleið. Ef Mario Balotelli verður keyptur til City munu líkurnar á því aukast enn frekar.

Samkvæmt News of the World hafa önnur ensk lið ekki sýnt áhuga á Adebayor. Franska liðið Marseille sótti um að fá hann lánaðan en getur ekki borgað helminginn af mánaðarlaunum hans.