Juventus vill fá svar frá Benítez

Rafa Benítez, knattspyrnustjóri Liverpool, hefur fengið þau skilaboð frá ítalska félaginu Juventus að það vilji fá að vita í enda næstu viku hvort hann hafi áhuga á að taka við þjálfun liðsins.

Juventus reyndi að fá Benítez þegar Ciro Ferrara var rekinn í janúar. Benítez vildi lítið tjá sig um málið en sagðist stoltur af áhuga liðsins. Juventus réði Alberto Zaccheroni út tímabilið.

Nú hefur Juventus ákveðið að setja pressu á Spánverjann og gefa þeim svar. Framtíð Benítez hjá Liverpool er í nokkurri óvissu en liðið hefur ollið vonbrigðum í vetur og verður líklega ekki með í Meistaradeildinni á næsta tímabili.

Umboðsmaður Benítez vildi lítið tjá sig um málið. „Benítez er með fjögurra ára samning við Liverpool. Á næstu mánuðum kemur í ljós hvað gerist," sagði hann.