Benitez sagt upp í tölvupósti

Það hefur ekki enn verið formlega staðfest að Rafa Benitez hafi verið rekinn sem þjálfari Inter en það virðist vera verst geymda leyndarmál fótboltaheimsins. Skilja menn ekki af hverju Inter sé ekki hreinlega búið að gefa það út formlega.

Samkvæmt heimildum La Gazzetta dello Sport var Benitez rekinn með tölvupósti. Lögfæðingur Inter á að hafa sent Benitez póst þar sem honum var sagt upp.

Brasilíumaðurinn Leonardo er talinn líklegasti arftaki Benitez en Leonardo var áður þjálfari hjá Milan.

Luciano Spalletti hefur einnig verið orðaður við starfið sem og gamli markvörðurinn Walter Zenga.