Sacchi: Zlatan sýndi mér vanvirðingu

Arrigo Sacchi, fyrrum þjálfari AC Milan, er í smá sjokki yfir því hvernig Zlatan Ibrahimovic réðst harkalega að sér í sjónvarpsþætti í vikunni.

Sacchi segist ekki hafa verið með neina stæla og skilur ekki af hverju Zlatan brást svona illa við.

"Ég hef ekkert á móti Zlatan. Þvert á móti sagði ég að hann hefði verið góður gegn Cesena. Svo svarar hann mér af fullum krafti. Hann gerði mistök með því hvernig hann hagaði sér þar og tónninn hjá honum var rangur," sagði Sacchi.

"Hann spilar síðan fyrir félag sem ég tengist. Ég var ekki að rífast við hann en hef samt rétt til þess að tjá mínar skoðanir. Hann sýndi mér samt mikla vanvirðingu sem eru vonbrigði," sagði Sacchi.