AC Milan vill kaupa Del Piero í janúar

Silvio Berlusconi, forseti AC Milan hefur staðfest að félagið sé búið að gera Alessandro Del Piero, leikmanni Juventus, tilboð.

Del Piero er kominn af allra léttasta skeiði og áhugavert að Milan sé að bera víurnar í hann. Reyndar hefur Milan verið duglegt við að nota eldri leikmenn og náð að kreista ótrúlega mikið úr gömlum kempum.

Samningur Del Piero við Juventus rennur út næsta sumar og félagið hefur ekki lýst yfir áhuga á að framlengja þann samning. Þess vegna ætlar Berlusconi að reyna að fá hann strax í janúar.

"Ég vil fá stóra stjörnu í janúar. Del Piero er frábær leikmaður og stór stjarna. Ég hitti leikmenn Juventus um daginn og lét þá Del Piero vita af því að ég vildi fá hann strax í janúar," sagði Berlusconi.