Eto´o: Inter getur unnið þrennuna

Sóknarmaðurinn knái Samuel Eto'o, leikmaður Inter, hefur trú á því að liðið geti unnið þrennuna þetta tímabilið.

Inter situr á toppi deildarinnar og geta tryggt stöðu sína enn betur með sigri gegn Napoli í kvöld.

Lærisveinar Mourinho eiga erfitt verkefni fyrir höndum því þeir mæta fyrrum liði kappans í meistaradeildinni. Chelsea hefur leikið vel í vetur og því erfitt verkefni fyrir höndum. Það ætti þó enginn að þekkja Chelsea liðið betur en meistarinn sjálfur Mourinho.

„Við berum virðingu fyrir Chelsea, en hræðumst þá ekki. Mig langar að spila leikinn og ég ætla mér að skora líka. Inter getur unnið allt á þessu tímabili: Scudetto, Champions League og Coppa Italia,“ sagði Eto‘o bjartsýnn.