IFK Gautaborg byrjaði vel í sænsku úrvalsdeildinni í dag þegar liðið vann 3-0 útisigur á Kalmar í opnunarleik tímabilsins.
Kalmar byrjaði mun betur, liðið skaut í slánna og klúðraði síðan víti á 15. mínútu áður en Tobias Hysén skoraði tvö fyrstu mörk leiksins fyrir IFK.
Hjálmar Jónsson skoraði þriðja mark IFK Gautaborg á 76. mínútu með skoti af löngu færi en hann lék allan leikinn í vinstri bakverðinum.
Theódór Elmar Bjarnason og Ragnar Sigurðsson léku allan leikinn með IFK Gautaborg eins og Hjálmar en þeir Hjálmar og Ragnar fengu báðir að líta gula spjaldið í leiknum.
Hjálmar innsiglaði sigur 3-0 útisigur IFK Gautaborg
