FC Kaupmannahöfn hefur verið með mikla yfirburði í dönsku úrvalsdeildinni í knattspyrnu í haust og í dag gerði liðið sér lítið fyrir og vann 5-0 stórsigur á OB.
Rúrik Gíslason lék allan leikinn fyrir OB en Sölvi Geir Ottesen, leikmaður FCK, er hins vegar frá vegna meiðsla.
Brasilíumaðurinn Cesar Santin skoraði þrennu fyrir FCK í dag en liðið er með 32 stig á toppi deildarinnar, þrettán meira en Midtjylland sem er í öðru sæti.
OB er í fjórða sætinu með sautján stig.
