Rosenborg og Lilleström gerðu markalaust jafntefli í kvöldleik norsku úrvalsdeildarinnar í dag.
Stefán Logi Magnússon stóð í marki Lilleström allan leikinn og þá var Björn Bergmann Sigurðarson í fremstu víglínu liðsins. Báðir þóttu eiga góðan leik.
Lilleström er í áttunda sæti deildarinnar með ellefu stig eftir átta leik en Rosenborg er í öðru sæti með sextán stig, einu á eftir toppliði Álasundar.
