LA Galaxy vill fá Ronaldinho

Brasilíumaðurinn Ronaldinho gæti spilað í Bandaríkjunum hafi hann áhuga á því en LA Galaxy, lið David Beckham, hefur lýst yfir áhuga á því að semja við Brasilíumanninn skemmtanaglaða.

Forráðamenn félagsins eru sannfærðir um að áhuginn á MLS-deildinni myndi aukast mikið með tilkomu Ronaldinho og áhorfendur myndu fjölmenna til þess að sjá Ronaldinho og Beckham spila saman.

Ronaldinho er þrítugur og samningsbundinn AC Milan til 2011. Þangað kom hann frá Barcelona árið 2008.

Hermt er að Ronaldinho vilji ræða við forráðamenn Galaxy áður en hann tekur ákvörðum um framtíðina.