Robinho fer til Milan ef Zlatan kemur ekki

Forráðamenn AC Milan eru með alla anga úti í leit sinni að nýjum framherja áður en félagaskiptaglugginn lokar.

Nú hefur það spurst út að félagið ætli sér að reyna að fá Brasilíumanninn Robinho frá Man. City takist félaginu ekki að landa Zlatan Ibrahimovic.

Staða Robinho er allt annað en trygg hjá Man. City og félagið er allt eins líklegt til að sleppa honum.

"Robinho er varaskeifan okkar ef Zlatan kemur ekki. Við viljum samt fá Svíann," sagði Adriano Galliani, stjórnarformaður AC Milan.