Benitez heldur áfram að skjóta á Mourinho

Rafa Benitez, þjálfari Inter, heldur áfram að rífa kjaft við José Mourinho en svo virðist vera sem honum líki illa að vera í sifellu borinn saman við Portúgalann.

Mourinho náði frábærum árangri með Inter og það verður ekki auðvelt verk fyrir Benitez að jafna þann árangur.

"Þjálfari vinnur ekki titla upp á sitt einsdæmi. Hann vinnur með leikmönnum, félaginu og stuðningsmönnum. Við vinnum allir saman," sagði Benitez en kalt hefur verið á milli hans og Mourinho í mörg ár.

"Inter er með frábæran mannskap og það var einnig þannig þegar Mourinho kom hingað. Ef allt er svona fullkomið af hverju er hann þá ekki lengur hér? Af hverju er hann hjá öðru félagi?".

Benitez hefur tjáð blaðamönnum að hann vilji ekki láta bera sig saman við Portúgalann en honum verður eflaust ekki að þeirri ósk sinni. Skuggi Mourinho mun fylgja honum á meðan hann stýrir Inter.