FIA, alþjóðabílasambandið hefur hafnað óskum serbnesks keppnisliðs sem keypti búnað Toyota 1 liðsins og vildi keppa í ár að
koma inn í Formúlu 1 mótaröðina á síðustu stundu.
Serbarnir höfðu vonast eftir að fá sæti í stað liðs sem ekki næði á ráslínu. Serbarnir sá sér leik á borði eftir að hið bandaríska USF1 ákvað að hætta við þátttöku í vikunni.
FIA segir of seint að afgreiða málin og að liðin tvo geti sótt um mögulega
aðild árið 2011.
Þykir nokkur hneisa að bandaríska liðið hættir við þátttöku með svo
stuttum fyrirvara, en liðið átti að koma amerískum ökumönnum á kortið
samkvæmt upphaflegum hugmyndum.
Það var þó aðeins búið að ráða argentínskan ökumann, Jose Maria Lopes sem
komst að hjá öðru nýju liði frá Spáni eftir að fréttist af brottfalli
USF1. Greinilega með vaskan umboðsmann á sínum snærum.
Er nú ljóst að 24 ökumenn verða á ráslínunni á þessu ári, en mótaröðin
hefst um aðra helgi í Bahrain
