IFK Göteborg heldur toppsætinu

Toppliðin í sænska fótboltanum voru öll í stuði í kvöld og unnu leiki sína. IFK Göteborg er þó enn á toppnum eftir 2-0 sigur gegn Malmö.

Göteborg á toppi deildarinnar með 24 stig. Íslendingarnir Hjálmar Jónsson og Ragnar Sigurðsson voru báðir í byrjunarliði Göteborg og léku allan leikinn.

Helgi Valur Daníelsson og félagar í Elfsborg eru í öðru sæti deildarinnar, aðeins stigi á eftir Göteborg.

Elfsborg lagði Trelleborg, 1-0, í kvöld. Helgi Valur Daníelsson lék allan leikinn fyrir Elfsborg eins og venjulega.

Í þriðja sæti deildarinnar er síðan Helsingborg sem lagði Örgryte, 3-1, í kvöld. Helsingborg er með 22 stig eða tveim stigum minna en Göteborg.