Stabæk vann langþráðan sigur í norska boltanum í dag og lyfti sér með sigrinum upp af fallsvæði deildarinnar. Þá lagði liðið Sandefjord, 4-1.
Pálmi Rafn Pálmason var í byrjunarliði Stabæk og skoraði eitt marka liðsins. Kjartan Henry Finnbogason kom af bekknum í leikhléi hjá Sandefjord.
Stabæk í tíunda sæti deildarinnar en Sandefjord í því fjórða.
Brann og Start skildu jöfn, 1-1. Kristján Örn Sigurðsson, Ólafur Örn Bjarnason og Birkir Már Sævarsson allir í byrjunarliði Brann en Gylfi Einarsson sat á bekknum og spilaði síðustu fjórar mínútur leiksins.
Brann er í ellefta sæti deildarinnar.
Valerenga skellti Fredrikstad, 2-1, þar sem Garðar Jóhannsson kom af bekknum hjá Fredrikstad og átti þátt í marki liðsins sem kom tveimur mínútum síðar. Fredrikstad í níunda sæti.
Árni Gautur Arason var í markinu hjá Odd Grenland en Björn Bergmann var ekki í hópnum hjá Lilleström er liðin gerðu jafntefli, 1-1. Lilleström á botninum en Odd Grenland í fimmta sæti.
Birkir Bjarnason var í liði Viking sem gerði 1-1 jafntefli gegn Strömsgodset. Viking í sjötta sæti.
Theodór Elmar Bjarnason var svo í liði Lyn sem tapaði 2-0 fyrir Álasundi. Lyn í næstneðsta sæti norsku deildarinnar.
