Ármann Smári orðaður við Hartlepool

Ármann Smári Björnsson er sagður vera á leið frá norska félaginu Brann til enska félagsins Hartlepool. Það er staðarblaðið Bergens Tidende sem greinir frá þessu.

Hartlepool er sagt vilja fá Ármann Smára sem framherja en Ármann hefur leikið bæði sem framherji og miðvörður.

Ólafur Garðarsson, umboðsmaður Ármanns, tjáir sig ekki við blaðið um stöðu mála og Ármann sjálfur segist ekkert vita. Ármann segist þó eðlilega vera spenntur fyrir því að spila á Englandi.

Samningur Ármanns við Brann rennur út í lok tímabilsins.